چین کے صدر شی جن پنگ نے خبردار کیا ہے کہ اگر غیر ملکی طاقتوں نے ملک پر اثر اندازہونے کی کوشش کی تو انہیں کچل دینگے ۔ وہ آج چین کی کمیونسٹ پارٹی کے قیام کی سو سالہ تقریبات کے سلسلے میں تقریب سے خطاب کررہے تھے ۔ صدر شی نے کہا کہ چین پر دبائو کا دور گزر چکا ہے ملک کی ساکھ بحال کرنے اور اسے مضبوط بنانے کی پارٹی کی کوششوں کو سراہا جارہا ہے ۔ انہوں نے کہا کہ کسی کو بھی چین کے عوام کی اپنی قومی خود مختاری اور علاقائی سالمیت کے دفاع کیلئے عزم ، جذبے اور صلاحیت کا غلط اندازہ نہیں لگانا چاہیے ۔