صدر آصف علی زرداری نے معمر افراد کے حقوق کے تحفظ اور انہیں ایک دوستانہ اور صحت مند ماحول فراہم کرنے کی ضرورت پر زو ردیا ہے۔

معمر افراد کے عالمی دن کے موقع پر اپنے پیغام میں انہوں نے وفاقی اور صوبائی حکومتوں کے ساتھ ساتھ سول سوسائٹی پر زور دیا ہے کہ وہ معمر افراد کے علاج معالجے کی بہتر سہولیات کو

ترجیح اور ان کے سماجی تحفظ کو مضبوط بنائیں۔

معمر افراد کیلئے دیکھ بھال اور امدادی نظام کو بہتر بنانے کے عزم کا اعادہ کرتے ہوئے انہوں نے کہا کہ پاکستان نے معمر افراد کی فلاح وبہبود کیلئے متعدد اقدامات کئے ہیں۔

انہوں نے تمام افراد پر زور دیا کہ وہ پاکستان کو مزید شمولیتی اور ہرعمر کے افراد کیلئے سازگار بنانے کیلئے کوشش کریں اور معمر افراد کی عزت اور احترام کریں۔