سعودی عرب نے اپنی سالانہ سخاوت کی روایت جاری رکھتے ہوئے یکجہتی اور خیرسگالی کے جذبے کی علامت کے طور پر پاکستان کو ایک سو ٹن کھجوروں کا تحفہ دیا ہے۔
اس حوالے سے رسمی تقریب اسلام آباد میں سعودی عرب کے سفارتخانے میں ہوئی جس میں سفیر نواف بن سعید المالکی نے کابینہ ڈویژن کے ملٹری ونگ کے ڈائریکٹر جنرل بریگیڈئر عالمگیر
ایوب کو کھجوروں کا تحفہ پیش کیا۔
یہ فراخدلانہ عطیہ سعودی عرب اور پاکستان کے درمیان پائیدار دوستی اور بھائی چارے کے دیرینہ تعلقات کی علامت ہے۔
