کنٹرول لائن کے دونوں طرف اور دنیا بھر میں مقیم کشمیری پیر کو یوم استحصال منائیں گے جس کا مقصد پانچ اگست دو ہزار انیس کے نریندرا مودی کی بھارتی حکومت کے یکطرفہ اور غیر قانونی اقدام کے خلاف احتجاج ریکارڈ کرانا ہے۔
یوم استحصال کشمیر کا مقصد دنیا کو یہ پیغام دینا ہے کہ کشمیری بھارت کے غیر قانونی قبضے کو تسلیم نہیں کرتے اور پانچ اگست دو ہزار انیس کے غیر قانونی بھارتی اقدامات کو مسترد کرتے ہیں جب بھارتی
حکومت نے مقبوضہ جموں و کشمیر کی خصوصی حیثیت کو منسوخ کردیا تھا۔
ادھر کل جماعتی حریت کانفرنس نے کشمیری عوام پر زور دیا ہے کہ وہ اقوام متحدہ کی طرف سے تسلیم شدہ حق خودارادیت کے حصول کے عزم کا اعادہ کرنے کے لئے پانچ اگست کو یوم استحصال کشمیر کویوم سیاہ کے طور پر منائیں۔
