عرب ممالک سمیت دنیا کے بہت سے ملکوں نے غزہ کیلئے امریکی صدر ڈونلڈ ٹرمپ کے مجوزہ منصوبے پر سخت ردعمل ظاہرکیا ہے ۔

مجوزہ منصوبے کے مطابق صدر ٹرمپ نے اشارہ دیا ہے کہ وہ فلسطینیوں کو کہیں اورمنتقل کرکے غزہ کے علاقے پر قبضہ کرلیں گے۔

روس، چین، سپین، آسٹریلیا، آئرلینڈ اور برطانیہ نے اپنے فوری ردعمل میں عزم ظاہر کیا ہے کہ وہ مسئلے کے دو ریاستی حل کی حمایت جاری رکھیںگے۔

فرانس نے کہا ہے   مجوزہ منصوبے سے خطرہ ہے کہ مشرق وسطی عدم استحکام کا شکار ہوجائے گا۔

ترکیہ نے منصوبے کو ناقابل قبول قراردیا ہے ۔

ایمنسٹی انٹرنیشنل کے ایگزیکٹو ڈائریکٹر  پال اوبرائن  کاکہنا ہے کہ غزہ سے تمام فلسطینیوں کو نکالنا انھیں تباہ کرنے کے مترادف ہے ۔

ادھر  اسرائیلی وزیراعظم بنجمن نیتن یاہو کے دورہ وائٹ ہائوس کے خلاف بڑے پیمانے پر احتجاجی مظاہرے ہوئے ہیں۔