اسلام آباد میں ہونے والے شنگھائی تعاون تنظیم کونسل کے سربراہان حکومت کے آئندہ اجلاس کی سیکورٹی یقینی بنانے کے پیش نظر پاک فوج کو وفاقی دارلحکومت میں تعینات کیا گیا ہے۔

یہ تعیناتی آئین کے آرٹیکل 245 کے تحت وزیرداخلہ محسن نقوی کے حکم پر عمل میں آئی ہے۔

اس فیصلے کا مقصد اس اہم اجلاس کے دوران شرپسندوں کی جانب سے شہریوں اور ان کی املاک کو کسی بھی نقصان سے بچانا ہے۔

وفاقی دارلحکومت کے اہم علاقوں میں پاک فوج کے دستے پہلے ہی گشت کررہے ہیں۔