قائم مقام گورنر اور سپیکر پنجاب اسمبلی ملک احمد خان نے آپریشن عزم استحکام کو قومی معاملہ قرار دیتے ہوئے تمام سیاسی جماعتوں پرزور دیا ہے کہ وہ اس پر متحد ہوجائیں۔

ہفتہ کے روز لاہور میں صحافیوں سے باتیں کرتے ہوئے انہوں نے کہا کہ پوری قوم اور تمام سیاسی جماعتوں کو ذمہ داری کا مظاہرہ کرنا ہوگا کیونکہ آپریشن عزم استحکام ملک کی اشد ضرورت ہے۔

انہوں نے کہا کہ آئین کی پاسداری ہر قیمت پر یقینی بنائی جائیگی اور آئین کو اس کی اصل شکل اور حالت میں بحال کرنے کیلئے سنجیدہ اقدامات کئے گئے ہیں۔