نگران وزیراعظم انوار الحق کاکڑ نے کہا ہے کہ حکومت کراچی کی تاجر برادری کے تمام مسائل کا حل یقینی بنائے گی۔

انہوں نے یہ بات آج اسلام آباد میں گورنر سندھ کامران خان ٹیسوری سے ملاقات میں کہی۔

گورنر نے وزیر اعظم کو صوبہ سندھ میں امن و امان کی صورتحال اور کراچی میں شہریوں کو درپیش مسائل سے آگاہ کیا۔

انہوں نے کراچی کے تاجروں اور ایوان صنعت و تجارت کی جانب سے وزیراعظم کو بجلی کے بلوں کے حوالے سے تجاویز بھی دیں۔ وزیر اعظم نے تمام متعلقہ حکام کو ان تجاویز پر تفصیلی مشاورت کرنے اور جلد رپورٹ پیش کرنے کی ہدایت کی۔