فائل فوٹو

موسمیاتی تبدیلی کی وزیر مملکت زرتاج گل وزیر نے کہا ہے کہ حکومت خصوصاً جنوبی وزیرستان میں خشک میوہ جات کی پیداوار بہتر بنانے کیلئے تمام سہولتیں فراہم کررہی ہے جوایشیا میں چلغوزوں اور دیگر خشک میوہ جات کی بڑی منڈیوں میں سے ایک ہے۔

ڈیرہ اسماعیل خان میں ایک اجلاس سے خطاب کرتے ہوئے انہوں نے کہا کہ حکومت خشک میوہ جات خصوصاً چلغوزوں کی پیداوار بہتر بنانے کیلئے اعلیٰ معیار کے بیجوں کی فراہمی میں مقامی کاشتکاروں کی مدد کررہی ہے۔انہوں نے کہا کہ اس اقدام سے معیشت کو تقویت پہنچے گی اور مقامی افراد کیلئے روزگار اور کاروبار کے مواقع پیدا ہوں گے۔زرتاج گل نے کہا کہ عالمی حدت کے اثرات سے نمٹنے کیلئے حکومتی پالیسیوں کو عالمی برادری کی جانب سے تسلیم کیا جارہا ہے اور اس حوالے سے اضافی اقدامات کیے جارہے ہیں۔بعد میں انہوں نے جلانے کیلئے لکڑی کے استعمال پر انحصار میں کمی کے لئے کیے گئے اقدامات کے تحت دوسو پچاس گیس کے چولہے تقسیم کیے۔