آسٹریلیا کے ہائی کمشنر نیل ہاکنز نے کراچی میں سندھ کے گورنر کامران خان ٹیسوری سے ملاقات کی اور دوطرفہ تعلقات پر تبادلہ خیال کیا۔
سندھ کے گورنر نے اس موقع پر گفتگو میں کہا کہ دونوں ملکوں کے تعلقات وقت کے ساتھ مستحکم ہورہے ہیں۔ انہوں نے آسٹریلوی سرمایہ کاروں کوصوبے میں مختلف شعبوں میں سرمایہ کاری کی دعوت دی۔
انہوں نے اس حوالے سے حکومت کے مکمل تعاون کی یقین دہانی کرائی۔
آسٹریلوی ہائی کمشنر نے گورنر سندھ کو آگاہ کیا کہ ان کے ملک کے سرمایہ کار سندھ کے مختلف شعبوں میں سرمایہ کاری کرنے میں گہری دلچسپی رکھتے ہیں۔
