آئی ٹی اور ٹیلی کمیونیکیشن کی وزیر مملکت شزہ فاطمہ خواجہ نے ملک بھر میں سائبر سکیورٹی کو مضبوط اور ڈیجیٹل ایکو سسٹم کو بہتر بنانے کے حکومتی عزم کا اعادہ کیا ہے۔

گلوبل ہیومن رائٹس پالیسی لیڈ فار میٹا، مرانڈا سیسنز سے ملاقات کے دوران انہوں نے سوشل میڈیا پلیٹ فارمز پر معیاری مواد کی دستیابی کو یقینی بنانے کی ضرورت پر زور دیا۔

شزہ فاطمہ نے کہا کہ آن لائن تحفظ ایک اہم چیلنج ہے جس کے لیے آن لائن خطرات سے نمٹنے کے لیے اجتماعی کوششوں کی ضرورت ہے۔

وزیر مملکت نے موجودہ ڈیجیٹل دور میں خاص طور پر بچوں اور نوجوانوں کے لیے آن لائن خطرات سے منسلک بڑھتے ہوئے خطرات کو بھی اجاگر کیا۔