صدرِ آصف علی زرداری نے چین کے شہر ہاربن میں 9 ویں ایشیائی سرمائی کھیلوں کی افتتاحی تقریب میں شرکت کی ہے۔

تقریب میں چین کے صدر شی جن پنگ، برونائی دارالسلام کے سلطان، کرغزستان کے صدر، تھائی لینڈ کے وزیرِاعظم سمیت اعلیٰ حکام شریک ہوئے۔

ونٹر گیمز 7 سے 14 فروری 2025 تک ہاربن میں منعقد ہو رہی ہیں ، ایشین ونٹر گیمز میں 34 ممالک کے 1200 سے زائد کھلاڑی حصہ لے رہے ہیں، 9 ویں ایشین گیمز میں پاکستانی ونٹر ایتھلیٹس بھی شرکت کررہے ہیں۔

صدر مملکت نے کہا ہے کہ ایشین ونٹر گیمز سے خطے کے ممالک کے مابین عوامی سطح پر روابط کو فروغ حاصل ہوگا، گیمز سے پاکستان اور چین کے درمیان سپورٹس ڈپلومیسی کو بھی فروغ ملے گا۔

صدر مملکت نے  چین کی حکومت اور گیمز میں شریک تمام کھلاڑیوں کے لیے نیک خواہشات کا اظہار بھی کیا ہے۔