سندھ کے وزیراعلی سید مراد علی شاہ نے چھوٹے گھریلو صارفین کیلئے شمسی توانائی سے بجلی فراہم کرنے اور ہسپتالوں کو شمسی توانائی پر منتقل کرنے کے فوائد کا اندازہ لگانے کیلئے تجویز پیش کرنے کی ہدایت کی ہے۔وہ کراچی میں سندھ سولر انرجی منصوبے کے جائزہ اجلاس کی صدارت کررہے تھے۔اجلاس سے خطاب کرتے ہوئے انہوں نے سرکاری اور نجی شعبے کے درمیان شراکت داری پروگرام کے تحت دیہاتوں کیلئے بھی شمسی توانائی بروئے کار لانے کے بارے میں تجویز طلب کی ہے۔صوبائی وزیرتوانائی سید ناصر حسین شاہ نے اجلاس کو بریفنگ دیتے ہوئے بتایا کہ سندھ سولر انرجی منصوبہ عالمی بنک کے تعاون سے تقریبا چھبیس ارب چھیاسی کروڑ روپے کی لاگت سے شروع کیا گیا ہے۔