خالد مگسی کی قیادت میں بلوچستان عوامی پارٹی کے ایک وفد نے پیر کے روز کوئٹہ میں وزیراعظم شہبازشریف سے ملاقات کی۔
وفد نے معاشی استحکام کیلئے عوام دوست بجٹ پیش کرنے پر وزیراعظم کی تعریف کی۔
وفد کے ارکان نے بلوچستان اور اس کے عوام کی ترقی کیلئے خصوصی دلچسپی لینے پر بھی وزیراعظم کا شکریہ ادا کیا۔
ملاقات کے دوران ملک اور صوبے کی مجموعی سیاسی صورتحال پر بھی تبادلہ خیال کیا گیا۔
نیشنل پارٹی کے ایک وفد نے بھی وزیراعظم شہبازشریف سے ملاقات کی۔
وفد میں صوبائی اسمبلی کے رکن رحمت صالح بلوچ اور سابق سینیٹر میر کبیر محمد شاہی شامل تھے۔
ملاقات میں صوبے کی سیاسی صورتحال پر تبادلہ خیال کیا گیا۔
