تربت میں شیخہ فاطمہ بنت مبارک گرلز کیڈٹ کالج کے دوسرے بیچ کی پاسنگ آٹ پریڈ کا انعقاد کیا گیا۔

پاسنگ آئوٹ میں 64 گریجویٹ لیڈی کیڈٹس نے حصہ لیا۔

کمانڈر 12 کور لیفٹیننٹ جنرل راحت نسیم احمد خان اس موقع پر مہمان خصوصی تھے۔

لیڈی کیڈٹس نے مارچ پاسٹ اور مارشل آرٹس کے ذریعے اپنی تربیت کا شاندار مظاہرہ کیا۔

نوے فیصد گریجویٹس کا تعلق بلوچستان کے مکران، قلات، رخشان، سبی، ژوب، لورالائی اور نصیر آباد ڈویژن سے ہے۔

بہترین کارکردگی دکھانے والے کیڈٹس میں انعامات تقسیم کیے گئے۔ مجموعی طور پر بہترین کیڈٹ کا ایوارڈ آمنہ عثمان کو دیا گیا۔

شیخہ فاطمہ بنت مبارک گرلز کیڈٹ کالج 2021 میں قائم کیا گیا تھا اور یہ بلوچستان کے تربت میں پہلا گرلز کیڈٹ کالج ہے۔

اب تک 131 لیڈی کیڈٹس دو بیچوں میں کامیابی سے گریجویشن کر چکی ہیں۔

یہ کالج نہ صرف لڑکیوں کو معیاری تعلیم اور تربیت فراہم کر رہا ہے بلکہ بلوچستان میں خواتین کی ترقی اور بہبود میں بھی نمایاں کردار ادا کر رہا ہے۔