سری لنکا کی جیلوں میں کئی سال قید کاٹنے کے بعد چھپن پاکستانی قیدی وطن واپس پہنچ گئے ہیں جن میں پانچ خواتین اور اکاون مرد شامل ہیں۔

خصوصی چارٹرڈ فلائیٹ کے ذریعے واپس آنے والے قیدیوں کے گروپ کا وطن آمد پر پرتپاک استقبال کیا گیا۔

وزیر داخلہ محسن نقوی نے ان کی واپسی کے عمل میں خصوصی دلچسپی لی اور وہ اس سلسلے میں سری لنکا کے ہائی کمشنر کے ساتھ مسلسل رابطے میں رہے۔

ادھر وزیر نجکاری عبدالعلیم خان نے قیدیوں کی واپسی کے تمام اخراجات خود برداشت کئے۔