پاکستان کے سائیکلسٹ الیاس علی جاوید نے تھائی لینڈ میں ایشین روڈ اینڈ پیرا سائیکلنگ چیمپئن شپ کے انفرادی ٹائم ٹرائل میں طلائی تمغہ حاصل کر لیا ہے۔
ایشیا کے سرفہرست سائیکل سواروں سے مقابلہ کرتے ہوئے الیاس علی نے پہلی پوزیشن حاصل کی۔
یہ پاکستان کے لیے بڑے اعزاز کی بات ہے اور براعظم کی سطح پر الیاس علی کی شاندار کارکردگی بین الاقوامی سائیکلنگ میں ملک کی بڑھتی ہوئی صلاحیت کو ظاہر کرتی ہے۔
