بجلی کی ترسیل اورتقسیم کارکے قومی ادارے نے کہاہے کہ وہ آئندہ موسم سرما کے دوران ملک میں بجلی کی بلاتعطل فراہمی یقینی بنانے کے اقدامات کررہاہے۔میرپورمیں Asset Manegement نارتھ کے انجینئروں سے خطاب کرتے ہوئے این ٹی ڈی سی کے منیجنگ ڈائریکٹر انجینئرڈاکٹرراناعبدالجبارخان نے ہدایت کی کہ بجلی کے ترسیلی نظام کی کارکردگی بڑھانے کے ترسیلی اورموسم سرمااورشدیدموسمی حالات میں بجلی کی بلاتعطل فراہمی یقینی بنائی جائے۔اس موقع پر انہوں نے ترسیلی لائنوں کی نگرانی کے نظام کی ویب سائٹ کاافتتاح کیا اوربڑے ترسیلی نظام کی فوری نگرانی اوراصلاحی حکمت عملی وضع کرنے کی ہدایت کی۔ترسیلی لائنوں کی آن لائن نگرانی کادائرہ بڑھانے کے لئے منیجنگ ڈائریکٹر نے تین اضافی گرڈ Coptorخریدنے اورگرڈاسٹیشنوں کے لئے تھرموویژن مانیٹرنگ تنصیب کرنے کی ہدایت کی۔