اقوام متحدہ کے سیکرٹری جنرل انتونیو گوتریس نے کہا ہے کہ لبنان مکمل جنگ کے دہانے پر ہے لیکن اس جنگ کو اب بھی روکا جا سکتا ہے۔

انہوں نے نیویارک میں صحافیوں سے گفتگو کرتے ہوئے غزہ اور لبنان میں فوری جنگ بندی اور تمام افراد کی جان بچانے کیلئے امداد کی فوری فراہمی کے مطالبے کا اعادہ کیا۔

انہوں نے کہا کہ تمام ممالک کی خود مختاری اور علاقائی سا لمیت کا احترام کیا جانا چاہئے اور تمام ممالک پر زور دیا کہ وہ اپنی حفاظت اور سلامتی یقینی بنانے کے اقدامات کریں