بلوچستان کے وزیراعلیٰ جام کمال خان نے کہا ہے کہ جنوبی بلوچستان کے ترقیاتی پیکج کے تحت صوبے کے جنوبی حصوں میں 16 نئے ڈیم تعمیر کئے جائیںگے۔کوئٹہ میں دفاعی پیداوار کی وفاقی وزیر زبیدہ جلال سے گفتگو کرتے ہوئے جام کمال نے کہاکہ پیکیج کے تحت نو اضلاع میں صحت' تعلیم' بنیادی ڈھانچے اور شاہرائوں کی سہولتیں فراہم کی جارہی ہیں۔ملاقات میں جنوبی بلوچستان کے ترقیاتی پیکج سمیت علاقے کے مسائل بھی زیر بحث آئے۔
