Friday, 29 March 2024, 08:28:17 pm
پاکستان، آذربائیجان اورترکی کا باہمی دلچسپی کےامورمیں دوطرفہ تعاون مستحکم کرنےپراتفاق
January 12, 2021

پاکستان، ترکی اور آذربائیجان کے وزرائے خارجہ کا دوسرا سہ فریقی اجلاس کل(بدھ) اسلام آباد میں ہوگا جس میں عالمی علاقائی امور اور باہمی دلچسپی کے تمام شعبوں میں تعاون بڑھانے کے امکانات پر تبادلہ خیال کیا جائیگا۔

دفترخارجہ کے مطابق پہلا سہ فریقی اجلاس نومبر 2017میں Baku میں ہواتھا۔تینوں فریق علاقائی امن وسلامتی کو درپیش نئے اور ابھرتے ہوئے خطرات، کوروناکی وباء کے باعث پیدا ہونے والے چیلنجز سے نمٹنے، ماحول، موسمیاتی تبدیلی اور اقتصادی ترقیاتی اہداف کے حصول سمیت عالمی وعلاقائی امور پر تبادلہ خیال کرینگے۔تینوں وزرائے خارجہ امن وسلامتی، تجارت اور سرمایہ کاری، سائنس وٹیکنالوجی، تعلیم اور ثقافتی تعاون سمیت باہمی دلچسپی کے تمام شعبوں میں سہ فریقی تعاون مزید بڑھانے کے امکانات بھی تلاش کریںگے۔پاکستان، آذربائیجان اور ترکی کے درمیان مشترکہ مذہب، اقدار، ثقافت اور تاریخ پر مبنی برادرانہ تعلقات ہیں جو اعتماد اور ہم آہنگی کے رشتے میں جڑے ہیں۔