قومی اسمبلی کو آج بتایا گیا کہ حکومت نے تمام ڈاک خانوں میں اطلاعات و روابط کی ٹیکنالوجی کے بنیادی ڈھانچے کی فراہمی کیلئے ایک منصوبے کا آغاز کیا ہے۔

مواصلات کے پارلیمانی سیکرٹری گُل اصغر خان نے وقفہ ٔ سوالات کے دوران ایوان کو بتایا کہ یہ منصوبہ ڈیجیٹل تفریق میں ایک پل کا کردار ادا کرے گا۔ اس سے عوامی خدمات تک رسائی میں اضافہ ہو گا اور طویل مدتی سماجی ثمرات کو یقینی بنانے میں مدد ملے گی۔

پارلیمانی اُمور کے وزیر طارق فضل چودھری نے آج ایوان میں ایک تحریک پیش کی جس میں پارلیمنٹ کے دونوں ایوانوں سے صدر کے خطاب پر اظہار تشکر کیا۔

قائد حزب اختلاف عمر ایوب خان نے تحریک پر بحث کا آغاز کرتے ہوئے بلوچستان میں جعفر ایکسپریس پر دہشتگردوں کے حملے کی شدید مذمت کی۔

ایوان کا اجلاس اب کل صبح ساڑھے گیارہ بجے ہوگا۔