پنجاب کے علاقے میانوالی کے ٹاؤن واں بھچراں میں ریسکیو1122کے اسٹیشن کا باقاعدہ افتتاح کردیاگیا ۔
اسٹیشن کا افتتاح سابق ممبر نیشنل اسمبلی انعام اللہ خان اور ڈپٹی کمشنر خالد جاوید گورائیہ نے کیا ۔
افتتاحی تقریب سے خطاب کرتے ہوئے سابق ممبر قومی اسمبلی انعام اللہ خان اور ڈپٹی کمشنر خالد جاوید گورائیہ کا کہنا تھا کہ وزیر اعلی پنجاب محترمہ مریم نواز شریف عوامی پراجیکٹس
پر خصوصی توجہ دے رہی ہیں اورعوام کوصحت کی سہولیات فراہم کرنا انکی اولین ترجیح ہے۔
افتتاح کے موقع پر ڈسٹرکٹ ایمرجنسی آفیسر انجینئر نوید اقبال،ڈپٹی ڈائریکٹر ڈیویلپمنٹ شعیب رضا اور ایکسین بلڈنگ فاروق اعظم بھی موجود تھے۔
افتتاحی تقریب میں ریسکیو افسران،ریسکیورز،ریسکیو محافظ اور واں بھچراں کے عمائدین، سول سوسائٹی سے تعلق رکھنے والے افراد کے ساتھ ساتھ میڈیا نمائندگان نے بھی شرکت کی۔
میانوالی کے حد/ںارڈر،میانوالی لاہورہائی وے روڈ اور تجارتی اور گنجان اباد علاقہ کے سبب ٹاؤن واں بھچراں انتہائی اہمیت کاحامل ہے اور یہاں ٹاؤن اسٹیشن کی تعمیر ناگزیر تھی۔ اس ضرورت کے پیش نظر ریسکیو ٹاؤن اسٹیشن واں بھچراں کا قیام عمل میں لایا گیا اور قلیل وقت میں اس کی تعمیر کا کام مکمل کروایا گیا۔
اسٹیشن کے فعال ہونے سے نہ صرف واں بھچراں بلکہ نواحی دیہاتوں اور گردونواح کی ہائی ویزپرریسکیو سروسز کی بروقت فراہمی ممکن ہو سکے۔
ریسکیو1122 کا تربیت یافتہ عملہ چوبیس گھنٹے ہمہ وقت خدمتِ انسانیت کیلئے تیار رہے گا اور اپنا سٹینڈرڑ ریسپانس ٹائم بھی برقرار رکھے گا۔
