وزیراعظم محمد شہباز شریف نے رابطہ عالم اسلامی کی جانب سے دنیا بھر میں اسلام کے حقیقی تشخص کو فروغ دینے کے نمایاں کام کو سراہا ہے۔
انہو ں نے ریاض میں رابطہ عالم اسلامی کے سیکرٹری جنرل سے ملاقات کے دوران ان کی زیرقیادت تنظیم کی رہنمائی اورامت میں اتحاد کے فروغ کو سراہا۔
وزیراعظم نے کہا کہ تنظیم اسلام کے مقاصد کی وکالت ، بھائی چارے ، رواداری اور باہمی احترام کے پیغام کو فروغ دینے میں اہم کردار ادا کررہی ہے۔
رابطہ عالم اسلامی کے سیکرٹری جنرل نے پاکستان اور اُمت مسلمہ کے درمیان تعلقات کو مضبوط بنانے کے لئے وزیر اعظم کی کوششوں کی تعریف کی۔
