کویت میں بین الاقوامی عطیاتی کانفرنس میں غزہ کی پٹی میں انسانی بنیادوں پر زندگیاں بچانے کی غرض سے امدادی کوششیں منظم کرنے کیلئے دو ارب ڈالر سے زائد کی امداد فراہم کرنے کا اعادہ کیا گیا ہے۔
اس کانفرنس کا اہتمام بین الاقوامی اسلامی امدادی ادارے اور اقوام متحدہ کے انسانی تعاون کے ادارے کی جانب سے کیا گیا۔
بین الاقوامی اسلامی امدادی ادارے کے جنرل منیجر بدر سعود السمیت نے کانفرنس سے خطاب میں کہا کہ یہ امداد جانیں بچانے، رہائش، صحت، تعلیم اور معاشی استحکام سمیت پانچ مختلف شعبوں پر خرچ کی جائے گی۔
