صدر آصف علی زرداری آج شہید کیپٹن محمد اسامہ بن ارشد کی رہائش گاہ پر گئے اور وطن کی سلامتی کے لیے جان کا نذرانہ پیش کرنے پر شہید کو خراج عقیدت پیش کیا۔
اس موقع پر انہوں نے شہید کے والد سے ملاقات کی اور ان کے اہل خانہ سے تعزیت کا اظہار کیا۔
صدر مملکت نے شہید کیپٹن محمد اسامہ بن ارشد کی بہادری، حب الوطنی اور ملک کے لیے خدمات کو سراہا۔
آصف علی زرداری نے دعا کی کہ اللہ تعالیٰ شہید کو جنت الفردوس میں اعلیٰ مقام عطا فرمائے اور سوگوار خاندان کو یہ صدمہ برداشت کرنے کی ہمت دے۔
شہید محمد اسامہ بن ارشد شمالی وزیرستان میں دہشت گردوں کے ساتھ فائرنگ کے تبادلے میں شہید ہو گئے۔
