صدر آصف علی زرداری اور وزیراعظم شہبازشریف نے بلوچستان کے ضلع ہرنائی کے علاقے شاہرگ میں ایک دھماکے کی شدید مذمت کرتے ہوئے قیمتی جانوں کے ضیاع پر گہرے دکھ اور افسوس کا اظہار کیا ہے۔

انہوں نے اپنے الگ الگ پیغامات میں دہشت گردی کے مکمل خاتمے کے عزم کا اعادہ کیا ۔

وزیراعظم نے دھماکے میں زخمی ہونے والوں کو ہر ممکن طبی سہولت فراہم کرنے کی ہدایت کی۔

شہبازشریف نے کہا کہ بے گناہ لوگوں کے جان و مال کو نقصان پہنچانے والوں کو اس کی بھاری قیمت چکانی ہوگی۔

وزیراعلیٰ پنجاب مریم نواز اور وزیر اعلیٰ بلوچستان میر سرفراز بگٹی نے بھی دھماکے کی شدید مذمت کی اور غمزدہ خاندانوں سے ہمدردی کا اظہار کیا۔