آزاد کشمیر ریڈیو میرپور کی زلزلے سے غیر فعال ہونے والی عمارت کو ضروری مرمت کے بعد جمعے کے دن سے مکمل طور پر بحال کردیا گیا ۔
زلزلے کے بعد عمارت کی دیواروں میں دراڑیں پڑ گئی تھیں جس کے سبب آزادکشمیر ریڈیو میرپور کی نشریات کنٹینر میں قائم عارضی سٹوڈیو کے ذریعے چلائی جا رہی تھیں۔
گذشتہ روز کنٹینر میں قائم سٹوڈیو اپنی اصل عمارت میں منتقل کر دیا ۔
آزاد کشمیر کے ریڈیو سننے والے سامعین اور سول سوسائٹی نے وزیر اعظم پاکستان شہباز شریف اور وفاقی وزیر اطلاعات عطاء اللہ تارڑ، وفاقی سیکرٹری اطلاعات محترمہ شاہیرہ شاہد اور ڈائریکٹر جنرل ریڈیو پاکستان سعید احمد شیخ کا خصوصی شکریہ ادا کیا ہے ۔