خصوصی سرمایہ کاری سہولت کونسل نے پاکستان میں پراپرٹی کے شعبے میں بیرونی سرمایہ کاری کے ایک اور سنگ میل کے حصول پر مبارک باد پیش کی ہے ۔
تفصیلات کے مطابق متحدہ عرب امارات کی معروف بین الاقوامی کمپنی REPORTAGE PROPERTIES اور مشہور پاکستانی کمپنی EMPIRE ہولڈنگ کے درمیان ایک معاہدہ طے پایا ہے اس معاہدے میں رپورٹیج ایمپائر پاکستان کے نام سے ایک کمپنی کا قیام بھی شامل ہے ۔
کمپنی تعمیرات کے بین الاقوامی معیار پر مبنی اپنے پلے منصوبے کا آغاز لاہور سے کرے گی۔
ملک کے بڑے شہروں میں کئی منصوبوں کے آغاز کے ذریعے غیرملکی سرمایہ کاری کو فروغ دیکر ملکی معیشت میں بہتری لانا اور روزگار کے مواقع پیدا کرنا کمپنی کی ترجیحات میں شامل ہے۔
