صدر ڈاکٹر عارف علوی ترک صدر رجب طیب اردوان کی دعوت پر آج تین روزہ سرکاری دورے پر ترکی روانہ ہو ں گے۔دورے کے دوران دونوں ملکوں کے صدر اور استنبول میں پاک بحریہ کیلئے تیار کیے جانے والے پہلے بحری جہاز کی افتتاحی تقریب میں شرکت کریں گے۔دونوں رہنماء دوطرفہ تعلقات پر غوراور علاقائی امور پر تبادلہ خیال کریں گے۔صدر ڈاکٹر عارف علوی ترکی کے ذرائع ابلاغ اور نمایاں تاجروں سے بھی گفتگو کریں گے۔پاکستان اور ترکی کے برادرانہ تعلقات مشترکہ عقیدے ،ثقافت ،تاریخ ،مثالی باہمی اعتماد اور احترام پر مبنی ہیں۔