پاک بحریہ کے جہاز پی این ایس یمامہ نے ترکیہ کی بندرگاہوں گُل چک اور اکساز کا دورہ کیا۔
بندرگاہ پہنچنے پر پاکستانی سفارتخانے اور ترک بحریہ کے اعلیٰ حکام نے جہاز کا استقبال کیا۔
ترکیہ میں قیام کے دوران ترکش نیوی فلیٹ کے ڈپٹی کمانڈر وائس ایڈمرل ابراہیم اُزدین کوثر نے پی این ایس یمامہ کا دورہ کیا۔
پی این ایس یمامہ اور ترک بحریہ کے جہازوں کے مابین بحری مشق ماوی وطن کا بھی انعقاد کیا گیا۔ اِس مشق کا مقصد دونوں بحری افواج کے درمیان باہمی تعاون اور مشترکہ آپریشنز کی صلاحیت کو بڑھانا تھا۔
پی این ایس یمامہ کا دورہ ِترکیہ دونوں ممالک کے درمیان برادرانہ سفارتی اور بحری تعلقات کو مزید فروغ دینے کا موقع فراہم کرے گا۔
