آج سینیٹ کو بتایا گیا کہ حکومت اخراجات کو کم کرنے اور معیشت کی بہتری کیلئے رائٹ سائزنگ کا اقدام کر رہی ہے۔
وزیر قانون و انصاف اعظم نذیر تارڑ نے وقفہ سوالات کے دوران ایوان کو بتایا کہ توانائی، وفاقی تعلیم و پیشہ ورانہ تربیت ، اطلاعات و نشریات ، قومی ورثہ و ثقافت اور فنانس ڈویژن سمیت پانچ وزارتوں کی رائٹ سائزنگ کی تیسرے مرحلے کی تجویز کو حتمی شکل دے رہی ہے۔
وزیر مملکت برائے انفارمیشن ٹیکنالوجی شزہ فاطمہ نے ایوان کو بتایا کہ آئی ٹی کی صنعت ملک میں فروغ پذیر ہے۔
اُنہوں نے کہا کہ رواں مالی سال کے پہلے پانچ مہینوں میں آئی ٹی کی برآمدات میں تینتیس فیصد کا اضافہ ہوا۔
