ہوابازی کے وزیر غلام سرور خان نے کہاہے کہ پاکستان تحریک انصاف کی حکومت عوام کی عملی خدمت میں یقین رکھتی ہے۔
راولپنڈی کے نواح میں ایک اجتماع سے خطاب کرتے ہوئے انہوںنے کہا کہ وزیراعظم عمران خان کا وژن لوگوں کے حقوق کا تحفظ کرنا ہے۔وفاقی وزیر نے کہا کہ حکومت لوگوں کو بلاامتیاز تمام ضروریات زندگی فراہم کرنے پر کام کررہی ہے۔انہوں نے کہا کہ حزب اختلاف کی جماعتوں کے اتحاد کو ملک کے مستقبل سے کھیلنے کی اجازت نہیں دی جائیگی۔