آزاد جموں کشمیر کے صدربیرسٹر سلطان محمود چودھری نے بیرون ملک مقیم کشمیریوں پر زور دیا ہے کہ وہ بھارت کے غیر قانونی زیر قبضہ جموں و کشمیر میں بھارتی مظالم بے نقاب کرنے کی اپنی کوششوں کو دوگنا کردیں۔
لندن میں ایک تقریب سے خطاب کرتے ہوئے انہوں نے کہا کہ بیرون ملک مقیم پاکستانی برادری کو چاہئے کہ وہ عالمی برادری کو مسئلہ کشمیر کے جلد حل کی حساسیت سے آگاہ کرے۔
بیرسٹرسلطان محمود چودھری نے کہا کہ عالمی برادری کو مقبوضہ علاقے میں بگڑتی ہوئی صورتحال کا فوری نوٹس لینا چاہئے۔
