فائل فوٹو
بھارت کے غیر قانونی زیر قبضہ جموں وکشمیر میں کل جماعتی حریت کانفرنس کے نائب چیئرمین غلام احمد گلزار نے عالمی برادری پر زور دیا ہے کہ وہ مقبوضہ علاقے کی صورتحال کی سنگینی کاادراک کرے اور کشمیریوں کو مودی کی فسطائی بھارتی حکومت کے مظالم سے بچانے کیلئے فوری اقدمات کرے۔
غلام احمد گلزارنے سرینگر سے جاری ایک بیان میں کہا کہ مقبوضہ جموں وکشمیر کی ابتر صورتحال کے بارے میں اقوام متحدہ کی انسانی حقوق کی سربراہ اور اسلامی تعاون تنظیم کے حالیہ بیانات کے بعد عالمی برادری پر یہ لازم ہو گیا ہے کہ وہ تنازعہ کشمیر کے حل کیلئے عملی اقدمات کرے۔ حریت رہنماء جاوید احمد میر نے سرینگر میں متعدد تعزیتی اجلاسوں سے خطاب کرتے ہوئے کہا کہ تصفیہ طلب مسئلہ کشمیر جنوبی ایشیا میں ایک فلیش پوائنٹ بن چکا ہے اور جنوبی ایشیا میں امن کیلئے اس دیرینہ تنازعے کا منصفانہ حل ناگزیر ہے۔ادھر قابض انتظامیہ نے کشمیریوں کو آج سرینگر میں تاریخی جامع مسجد، درگاہ دستگیر صاحب ، درگاہ حضرت بل اور جامع مسجد حیدر پورہ میں نماز جمعہ ادا کرنے کی اجازت نہیں دی ۔انتظامیہ نے لوگوں کو حیدر پورہ میں کشمیریوں کی جاری مزاحمتی تحریک کے روح رواں سیدعلی گیلانی کی قبر پر جانے سے بھی روک دیا۔