خیبر پختونخوا کی حکومت صوبے سے پولیو کے خاتمے کیلئے تمام ممکنہ وسائل استعمال کر رہی ہے۔

یہ بات صحت کے وزیر تیمور سلیم جھگڑا نےجمعہ کے روز پشاور میں پانچ روزہ انسداد پولیو مہم کے افتتاح کے بعد کہی۔انہوں نے کہا کہ ہم صوبے کو پولیو سے پاک کرنے کے آخری اور حتمی مرحلے میں ہیں۔وزیر نے کہا کہ محکمہ صحت کو جدید خطوط پر استوار کرنے کیلئے اصلاحات متعارف کرائی جا رہی ہیں۔پانچ روزہ انسداد پولیو مہم خیبر پختونخوا کے تینتیس اضلاع میں شروع کی گئی ہے۔پولیو ٹیمیں گھر گھر جا کر بچوں کو پولیو سے بچائو کے قطرے پلائیں گی۔پولیو ٹیموں کی سیکورٹی کیلئے سخت حفاظتی اقدامات کئے گئے ہیں۔