بنگلہ دیش میں انٹرنیشنل کرائمز ٹریبونل نے آج اس سال کے شروع میں پرتشدد مظاہروں میں بڑے پیمانے پر ہلاکتوں میں مبینہ ملوث ہونے پر سابق وزیراعظم شیخ حسینہ کے وارنٹ گرفتاری جاری کئے ہیں۔
جسٹس غلام مرتضیٰ MAJUMDAR کی زیرصدارت ٹریبونل کی کارروائی میں پراسیکیوٹرز نے شیخ حسینہ سمیت پچاس افراد کے وارنٹ گرفتاری کی درخواست کی۔
سرکاری شعبے میں نوکریوں کے کوٹے کیخلاف ایک طالبعلم کی قیادت میں شروع ہونے والی تحریک کے تحت مظاہرے ہلاکت خیز بدامنی میں بدل گئے جس کے نتیجے میں سات سو سے زائد افراد ہلاک اور متعدد زخمی ہو گئے۔