بلوچستان کی تاریخ میں پہلی بار ڈپٹی کمشنر آواران انجینئر عائشہ زہری کی جانب سے خواتین کے مسائل سننے کے لیے جرگہ کا انعقاد کیا گیا۔
جرگے میں لیڈی ڈاکٹرز، خواتین اساتذہ، گرلز کالج کی طالبات اور خواتین کونسلرز نے شرکت کی۔
اس موقع پر شرکا نے خواتین کو ہنر مند بنانے کے لیے ووکیشنل ٹریننگ اینڈ ایمبرائیڈری سنٹر کے قیام کے حوالے سے سفارشات پیش کیں۔
انہوں نے گرلز کالج میں فرنیچر اور اساتذہ کی کمی سے متعلق مسائل کو بھی اجاگر کیا اور طالبات کے لیے بسوں کی فراہمی کا مطالبہ کیا۔
جرگہ کے شرکا نے اپنے مسائل کے حل کے لیے ضلعی انتظامیہ کے اقدامات کو سراہا اور ہر قسم کے تعاون کا یقین دلایا۔