معروف اداکار کمال احمد رضوی کی آج نویںبرسی منائی جا رہی ہے۔کمال احمد رضوی 1930میں ہندوستان کی ریاست بہار میں پیدا ہوئے۔کمال احمد رضوی، بطور ہدایت کار، اداکار، مترجم اور ڈرامہ نگار اپنی کثیر جہتی صلاحیتوں کی وجہ سے مشہور ہوئے۔ انہوں نے پی ٹی وی پر 'الف نون' ڈرامہ سیریز میں اپنی شاندار تصویر کشی کے ذریعے شہرت حاصل کی۔ انہوں نے بچوں کیلئے ادب بھی تصنیف کیا اور 'بچوں کی دنیا' اور 'تعلیم و تربیت' کی اشاعتوں کی ذمہ داری سنبھالی۔کمال احمد رضوی دوہزارپندرہ میں آج کے روزانتقال کرگئے۔