بھارت کے غیرقانونی زیر قبضہ جموں وکشمیر میں بھارتیہ جنتا پارٹی کی حکومت مقامی افراد سے نوکریاں اور املاک چھین رہی ہے اور غیرمقامی افرادکو مختلف ترقیاتی منصوبوں کے ٹھیکے دے رہی ہے جس سے جموں وکشمیر کے عوام کو شدیدنقصان پہنچا ہے ۔کشمیر میڈیا سروس کے مطابق سیاسی تجزیہ کاروں کاکہنا ہے کہ مقبوضہ جموں وکشمیر کے عوام اقوام متحدہ کی قراردادوں کے مطابق رائے شماری کے ذریعے امن وآزادی کا مطالبہ کررہے ہیں۔انہوں نے اس بات پر بھی زوردیا کہ جنوبی ایشیا کے خطے میں پائیدار امن اور خوشحالی تب تک ناممکن ہے جب تک تنازعہ کشمیر اقوام متحدہ کی قراردادوں اورکشمیری عوام کی امنگوں کے مطابق حل نہیں کیاجاتا۔