غیر قانونی طور پر نظر بند حریت رہنمائوں نے اقوام متحدہ کے سیکرٹری جنرل اور انسانی حقوق کی تنظیموں سمیت عالمی برادری کی توجہ مقبوضہ جموں و کشمیر میں لاکھوں بچوں کی حالت زار کی جانب مبذول کرائی ہے۔
بچوں کے عالمی دن کے موقع پر انہوں نے عالمی برادری اور انسانی حقوق کی بین الاقوامی تنظیموں سے اپیل کی کہ وہ کشمیری بچوں کے درد اور تکالیف کا احساس کریں اور مقبوضہ علاقے میں کشمیری بچوں کے حقوق کے تحفظ کو یقینی بنانے کیلئے بھارت پر دبائو بڑھائیں۔
