Saturday, 22 February 2025, 08:28:28 pm
 
سینیٹ،حکومت کی جانب سے20 ارب روپے مالیت کا رمضان پیکج تیار
February 21, 2025

سینیٹ کو بتایا گیا ہے کہ وفاقی حکومت کی جانب سے اس سال بیس ارب روپے مالیت کا رمضان پیکیج تیارکیا گیا ہے جس کے ذریعے تقریباً چالیس لاکھ مستحق افراد کو نقد رقوم مہیا کی جائیں گی۔

صنعتوں اور پیداوار کے وزیر رانا تنویر حسین نے پی پی پی کے ر ہنمائوں شہادت اعوان اور شیری رحمن کی طرف سے اٹھائے نکات کے جواب میںایوان کو بتایا کہ صوبائی حکومتیں بھی رمضان پیکج کیلئے اسی طرح کے نقدرقم کی منتقلی کے نمونے پر عمل پیرا ہیں۔

رانا تنویر حسین نے کہا کہ یوٹیلیٹی کارپوریشن کی کارکردگی اور استعداد کار بڑھانے کیلئے    اس کی تنظیم نو کی جائے گی انہوں نے واضح کیا کہ یوٹیلیٹی سٹورز کارپوریشن کو بند نہیں کیا جائے گا۔

وزیرقانون نے سوسائٹیز رجسٹریشن ترمیمی آرڈنینس 2024 ایوان میں پیش کیا ۔

بعد میں ایوان کا اجلاس غیرمعینہ مدت تک کیلئے ملتوی کردیاگیا۔