خیبرپختونخوا کے گورنر فیصل کریم کنڈی نے آل پارٹیز کانفرنس میں کئے گئے متفقہ فیصلے کے تحت سیاسی اور تکنیکی کمیٹیاں تشکیل دینے کا اعلان کیا ہے۔
کمیٹیوں کا مقصد سیاسی جماعتوں میں ہم آہنگی کو فروغ دینا اور صوبے کے بڑ ے مسائل حل کرنا ہے۔
گورنر کنڈی کے دستخط کردہ نوٹیفکیشن کے مطابق گیارہ رکنی سیاسی کمیٹی اور بارہ رکنی تکنیکی کمیٹی قائم کی جائے گی۔
سیاسی کمیٹی سیاسی جماعتوں کے درمیان تعاون کو فروغ دینے اور اہم امور پر اتفاق رائے قائم کرنے کے لئے سفارشات تیار کرنے پر کام کرے گی جس میں صوبے میں اتحاد پر مبنی سیاسی ماحول پر توجہ مرکوز کی جائے گی۔
اس کے علاوہ بارہ رکنی تکنیکی کمیٹی قائم کی گئی ہے جو ترقیاتی منصوبوں کی نگرانی اور تکنیکی تجاویز دینے کے معاملات دیکھے گی۔
