چین نے اپنی دواسازکمپنیوں کو ہدایت کی ہے کہ پاکستان کو کوروناوائرس سے بچائو کی ویکسین کی برآمدکاعمل تیز کیاجائے۔
یہ بات چینی وزارت خارجہ کی ترجمان Hua-Chunyingنے بیجنگ میں اپنی معمول کی بریفنگ کے دوران بتائی۔دواسازکمپنیوں کو یہ ہدایات چینی سٹیٹ قونصلر Yang-Yiکی جانب سے وزیرخارجہ شاہ محمودقریشی کو اس یقین دہانی کے بعدجاری کی گئیں کہ پاکستان کو کوروناویکسین کی پانچ لاکھ خوراکیں فراہم کی جائیں گی۔اس سے پہلے شاہ محمودقریشی نے بتایا کہ چین نے اس ماہ کے اواخر تک پاکستان کو ویکسین کی فراہمی کاوعدہ کیاہے۔انہوں نے کہاکہ یہ ویکسین معاونت کے طورپرفراہم کی جائے گی اور چین اس کی قیمت وصول نہیں کرے گا۔