Saturday, 13 April 2024, 01:07:51 am
وسطی غزہ میں اسرائیلی حملوں میں مزید چالیس فلسطینی شہید، سو سے زائد زخمی ہوگئے
February 23, 2024

وسطی غزہ میں متعدد اسرائیلی حملوں میں مزید چالیس فلسطینی شہید اور سو سے زیادہ زخمی ہو گئے ہیںاسرائیلی فوج نے جنین کے پناہ گزین کیمپ میں ایک گاڑی کو نشانہ بنایا جس سے ایک فلسطینی شہید اور پندرہ زخمی ہوئے۔ اسرائیلی فوج نے مقبوضہ مغربی کنارے کے علاقے میں حملے تیز کر دیئے ہیں۔ادھر فلسطینی پناہ گزینوں کے بارے میں اقوام متحدہ کے ادارے نے ایک بیان میں کہا کہ غزہ میں اسرائیلی جارحیت انتہا کو پہنچ چکی ہے جہاں انسانی بنیادوں پر امداد کی اشد ضرورت ہے۔غزہ کی وزارت صحت نے کہا کہ اسرائیلی فوجی دستے علاقے سے عارضی انخلاء کے بعد خان یونس کے مقبوضہ نصر ہسپتال میں دوبارہ داخل ہو گئے ہیں۔گزشتہ سال سات اکتوبر سے غزہ پر جاری اسرائیلی جارحیت کے نتیجے میں اب تک انتیس ہزار سے زائد فلسطینی شہید ہو گئے ہیں۔