چیف جسٹس آف پاکستان جسٹس یحییٰ آفریدی نے پشاور میں ایک اجلاس کی صدارت کی جس میں خیبرپختونخوا میں عدالتی اصلاحات کے معاملات پر تفصیلی گفتگو کی گئی۔
اجلاس میں خیبرپختونخوا میں جیلوں کے نظام میں اصلاحات کے لیے ایک ذیلی کمیٹی تشکیل دینے اور اصلاحات کا ایک جامع پیکیج تیار کرنے کا فیصلہ کیا گیا۔
کے پی کے کمیٹی جیل کے حالات کا جائزہ لینے، زیر سماعت قیدیوں کے مسائل کو حل کرے گی، اور بحالی کے پروگراموں کی تجویز پیش کرے گی تاکہ انہیں معاشرے کا پرامن اور فعال شہری بنایاجاسکے ۔
اس موقع پر جسٹس یحییٰ آفریدی نے شواہد پر مبنی تحقیقات کو مضبوط بنانے کے لیے فرانزک سائنس کی سہولیات کو بہتر کرنے کی فوری ضرورت پر زور دیا۔
