فائل فوٹو
اقوام متحدہ نے خبردار کیا ہے کہ موسمیاتی تبدیلی کی وجہ سے حدت کا خطرہ بڑھ رہا ہے اور اس سے سالانہ تقریباً پانچ لاکھ افراد کی ہلاکت کا تخمینہ لگایاگیا ہے۔
اقوام متحدہ کے سیکرٹری جنرل انتونیوگوتریس نے واشنگٹن میں صحافیوں سے گفتگو کرتے ہوئے کہا کہ گرمی کی شدت میں بے انتہا اضافہ معیشتوں کو بری طرح متاثر کررہاہے ، عدم مساوات بڑھ رہی ہے اور پائیدار ترقیاتی اہداف کو نقصان پہنچ رہا ہے۔
انہوں نے گروپ بیس کے ملکوں پر زوردیاکہ وہ کوئلے اور تیل سے چلنے والے توانائی منصوبوں کوقابل تجدید ذرائع پرمنتقل کریں اور کمزورملکوں اور معاشروں سے تعاون کریں۔
عالمی ادارے کے سربراہ نے کہاکہ ایک عالمی اپیل شروع کی جائے گی جس میں انتہائی کمزور محنت کشوں اوران کے تحفظ کا خیال رکھنا اوراعدادوشمار اورسائنس کو استعمال کرتے ہوئے ماحول سے مطابقت رکھنے والی معیشتوں اور معاشروں کو فروغ دینا ہے۔