پنجاب کی وزیر اعلیٰ مریم نواز نے کہا ہے کہ صوبائی حکومت عوام کے مسائل کو ترجیحی بنیادوں پر حل کرنے کیلئے سخت کوششیں کررہی ہے۔

وہ آج لاہور میں پاکستان میں اقوام متحدہ کے ریزیڈنٹ اور انسانی امداد کے کوآرڈینیٹر محمد یحییٰ کے زیر قیادت بائیس رکنی وفد سے ملاقات کررہی تھیں۔

مریم نواز نے کہا کہ ہر شعبے میں بہتری اور اصلاحات لانا حکومت کی اولین ترجیحات میں شامل ہے۔

انہوں نے کہا کہ اقوام متحدہ کے اداروں کے اشتراک سے ہم ایک لاکھ گھروں کی تعمیر کا ہدف حاصل کرلیں گے۔

انہوں نے کہا کہ صوبائی حکومت پنجاب میں ملبوسات کی تیاری کے لئے ٹیکس سے مستثنیٰ ایک شہر تعمیر کررہی ہے جہاں خواتین کو چھ ماہ کے لئے مفت تربیت اور وظائف دیے جائیں گے۔