نائب وزیراعظم اسحاق ڈار اور مصر کے وزیر خارجہ ڈاکٹر بدر عبدالعاطی نے تازہ ترین علاقائی صورتحال پر تبادلہ خیال کیا ہے۔
ٹیلی فون پر گفتگو کے دوران دونوں رہنمائوں نے سعودی عرب اور ترکیہ کے ساتھ خطے کے چار ملکوں کے وزرائے خارجہ فورم کے ذریعے علاقائی امور سمیت مختلف معاملات پر قریبی مشاورت کی ضرورت پر بھی تبادلہ خیال کیا۔
انہوں نے دوطرفہ تعلقات کا بھی جائزہ لیا اور پاکستان اور مصر کے درمیان قریبی اور برادرانہ تعلقات کا اعادہ کیا۔
دونوں رہنمائوں نے نیویارک میں اقوام متحدہ کی جنرل اسمبلی کے آئندہ اجلاس کے موقع پر ملاقات کرنے پر اتفاق کیا۔
