بری فوج کے سربراہ جنرل سیدعاصم منیرنے بھی ایران کے صدرڈاکٹرسیدابراہیم رئیسی سے ملاقات کی ۔
ملاقات میں علاقائی امن واستحکام اورسرحدی تحفظ سمیت باہمی دلچسپی کے امور پر تبادلہ خیال کیاگیا۔
فریقین نے علاقائی استحکام اوراقتصادی خوشحالی کے لئے مشترکہ کوششوں سے دوطرفہ تعاون کو فروغ دینے کی ضرورت پراتفاق کیا۔
بری فوج کے سربراہ نے پاک ایران سرحدکوامن اوردوستی کی سرحدقراردیا۔
انہوں نے دونوں ہمسایہ ممالک کے درمیان دیرینہ برادرانہ تعلقات میں دراڑ ڈالنے والے دہشتگردوں کوروکنے کے لئے سرحد پر رابطے بڑھانے کی ضرورت پرزوردیا۔
صدرابراہیم رئیسی نے اس بات پرزوردیاکہ پاکستان اورایران مسلح افواج کے درمیان تعاون کو فروغ دیکرخطے میں امن واستحکام حاصل کرسکتے ہیں۔